د نیجریه دقرآن په نړیوالو سیالیو کې به د ۲۰ هیوادونو قاریان ګډون وکړي

ایکنا – نیجریه هیواد نیت لري، د ۲۰هیوادونو د قاریانو په ګډون د قرآن کریم نړیوالې سیالۍ ترسره کړي.د سیالیو د منظمولو کمیټې ویاند محمد بشیر وویل چې دا پیښه د "مجالس اهل القرآن  فاؤنډيشن لخوا تنظیم شوې ده.

دا سیالۍ، چې د پلاتو ایالت د پخواني پارلماني استازي محمد آدم الکالی په هڅو تنظیم شوې، د ۲۰۲۵ کال په اګست میاشت (د روان کال زمري) کې به ترسره شي. دا پیښه به د پلاتو ایالت په مرکزي ښار جوس کې پیل شي او نهائي سیالۍ به ئې د نیجریه  په پلازمېنه ابوجا کې ترسره شي.

الکالي په یوه خبري ناسته کې د سوکوتو د عثمان دانفودیو پوهنتون د اسلامي مطالعاتو مرکز له قوي ملاتړ څخه مننه وکړه. هغه د دغو سیالیو موخه د اسلامي ارزښتونو او یووالي وده وبلله او قرآن کریم ئې د مسلمانانو لپاره د معنوي ژوند د لاسته راوړلو لپاره د لارښوونې څراغ وباله.

د سیالیو د تنظیمولو کمیټې مشر ګواني صادق زامفاره ډاډ ورکړ چې د بریالۍ پیښې د تضمین لپاره ټول چمتووالي په سمه لار روان دي.

تمه کیږي چې په دې پیښه کې د نیجریې، کامرون، ګانا، چاد، سینیګال، کینیا، تانزانیا، موریتانیا، نیجر، مصر، مراکش، لیبیا، الجزایر، سعودي عربستان، کویت، قطر، ملایشیا، بریتانیا، متحده عربي اماراتو او متحده ایالاتو استازي ګډون وکړي.

https://iqna.ir/fa/news/4279995